Flavius Josephus, Jewish War (XML Header) [genre: prose] [word count] [lemma count] [Joseph. BJ]. | ||
<<Joseph. BJ 6.234 | Joseph. BJ 6.241 (English) | >>Joseph. BJ 6.248 |
6.239τοῖς μὲν οὖν ἐδόκει χρῆσθαι τῷ τοῦ πολέμου νόμῳ · μὴ γὰρ ἄν ποτε Ἰουδαίους παύσασθαι νεωτερίζοντας τοῦ ναοῦ μένοντος , ἐφʼ ὃν οἱ πανταχόθεν συλλέγονται .
6.240τινὲς δὲ παρῄνουν , εἰ μὲν καταλίποιεν αὐτὸν Ἰουδαῖοι καὶ μηδεὶς ἐπʼ αὐτοῦ τὰ ὅπλα θείη , σώζειν , εἰ δὲ πολεμοῖεν ἐπιβάντες , καταφλέγειν · φρούριον γάρ , οὐκέτι ναὸν εἶναι , καὶ τὸ λοιπὸν ἔσεσθαι τῶν ἀναγκασάντων τὴν ἀσέβειαν , οὐκ αὐτῶν .
6.241ὁ δὲ Τίτος οὐδʼ ἂν ἐπιβάντες ἐπʼ αὐτοῦ πολεμῶσιν Ἰουδαῖοι φήσας ἀντὶ τῶν ἀνδρῶν ἀμυνεῖσθαι τὰ ἄψυχα οὐδὲ καταφλέξειν ποτὲ τηλικοῦτον ἔργον · Ῥωμαίων γὰρ ἔσεσθαι τὴν βλάβην , ὥσπερ καὶ κόσμον τῆς ἡγεμονίας αὐτοῦ μένοντος ·
6.242θαρροῦντες δὲ ἤδη προσετίθεντο τῇ γνώμῃ Φρόντων τε καὶ Ἀλέξανδρος καὶ Κερεάλιος .
6.243τότε μὲν οὖν διαλύει τὸ συνέδριον καὶ τὰς ἄλλας δυνάμεις διαναπαῦσαι κελεύσας τοῖς ἡγεμόσιν , ὅπως ἐρρωμενεστέροις ἐν τῇ παρατάξει
-- --
Flavius Josephus, Jewish War (XML Header) [genre: prose] [word count] [lemma count] [Joseph. BJ]. | ||
<<Joseph. BJ 6.234 | Joseph. BJ 6.241 (English) | >>Joseph. BJ 6.248 |